Charter Document - 04140161

Nos Chvnradus dei gracia Frisingensis episcopus presencium tenore tam presentibus quam futuris notum facimus vniuersis quod postmultam inter nos et Gerlhohvm [de Hertenberch] ministerialem ducis Karinthie agitatam discordiam eum eodem G [in formam p]acis et concordie rediuimus in hunc modum videlicet quod Albertum mili[tem]te et Ottonem filium Meinhalmi de Zevra quos homines nostri occasione pre[fate] dissensionis [et] discordie captiuarant a vinculis fecimus enodari [su]b tali siquidem certitudine adiuncta primitus et premissa quod idem G sine [omn]i scrupulo coactionis nude pariter et aperte omnem materiam rancoris adii [] ac vniuersam inimiciciarum radicem contra nos et nostros homines ab ipso [G] vel a suis conceptam per pacis osculum postposuit et remisit sub pena du[cen]tarum marcaram Laibacensis monete promittens quod deinceps ab omni genere [dam]pnorum grauaminum et iniuriarum que nobis et ecclesie nostre ipse G et sui hacteaus irrogare consueuerant ex nunc usque in antea debeant inuiolabiliter abstinere pro quibus vtique dampnis grauaminibus et iniuriis euitandis et pso inimiciciis non reminiscendis quod wlgariter vrech dicitur nobis idem G de dictis cc marcis fideiussoriam prestitit caucionem eo pretextu racionis quod si ipse G vel sui in aliquo genere grauaminum nobis uel nostris irrogatorum culpabiles per rei euidenciam reperiantur vel si quispiam nostrorum ministerialium nostro nomine per iusiurandum interpositum ipsum G negantem conuicerit idem G requisitus et monitus post admonicionem infra vnius mensis spacium secundum estimacionem et quantitatem irrogati nobis dampni satisfactionem et emendacionem debitam nobis et nostris sub premissa pena cc marcarum tenebitur exhibere Verum si forte talis culpa uel tam ardua causa emerserit pro cuius qualitate sev quantitate noster officialis qui pro tempore fuerit emendacionem congruam vel satisfactionem sufficientem ab eodem G et suis habere nequiuerit huiusmodi culpa vel causa donec ad nostrum aduentum [insta]ntem quieta permaneat et intacta Qui scilicet G post nostrum [de Carniola] reditum infra dies xiiij se nostro presentabit conspectui nobis [] quemadmodum qualitas culpe [] sorum aut nominum expressio [] talis est Heinricus de Scharffenberch pro c marcis Gerlhohus de Stein pro quinquaginta marcis Marchwardus de Chvlm pro viginti quinque et Gerlohus Vngarus pro viginti quinque marcis nobis caucionem fideiussoriam prestiterunt Insuper prelibatus G de Hertenberch iureiurando laudauit firmiter et promisit quod bona fide ac summo studio vna nobiscum aput nobilem virum dominum Vlricum filium Bernhardi illustris ducis Karinthie laboret optinere quod eiusdem domini Vl accedente consensv et voluntate castrum Hertenberch cum hominibus et [cunc]tis attinenciis et vniuersas possessiones quas iure proprietatis vel quas [ab] ecclesia nostra iure fevdali possidet per manus vxoris sue ac liberorum suorum [et] confirmacionem dicti domini Vl ducis Karinthie [filii] in manus nostras obligauit [ita] videlicet si ipse G de Hertenberch vel sui secundum prelibatam formam nos et [nostros] in parte aliqua decetero grauauerint dictum castrum cum hominibus et cum [omnibus at]tinenciis et cuncte possessiones sicut premissum est ad n[os et nostram] ecclesiam sub memorati ducis presidio pleno iure deuoluantur Ceterum si idem dominus dux huiusmodi obligacionem admittere recusauerit aliam caucionem posse ipsius G non excedentem quam ad inuenerimus nobis sepe dictus G [certi]fiet et prestabit sub pena pecunie supra notate Preterea secundum arbitrium videlicet Heinrici de Scharffenberch et Heinrici Vagenarii pro parte nostra et Gerlohi de Stein et Marchwardi de Chvlm pro parte altera promulgatum idem G de Hertenberch pro refusione dampnorum xiiij mansos [ut] puta in Drag vnum item in Schebelach iiii in Harde quinque nobis publice tradidit et donauit protestans sub vinculo iuramenti quod vxore sua et heredibus consencientibus libere posset eandem facere donacionem quos nos sibi et vxori sue ac liberis iure feodali contulimus in instanti In huius itaque rei testimonium presens paginam nostri et Heinrici de Scharffenberch et ipsius Gerlohi de Hertenberch et Gerlohi de Stein et Heinrici de Vagen sigillorum est munimine roborata Acta sunt hec anno domini MCCLIIII nonas Avgusti indictione X apud Lok