Charter Document - 04140156
| Charter Number: | 04140156 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1249 |
| Date type: | Internal, A.D., Calendar |
| Resource Link(s): |
Monasterium.net |
Charter:
Uniuersis Christi fidelibus presentem paginam respecturis Chvnegundis comitissa de Wazzerburc salutem in omnium saluatore Uniuersorum noticie cupio declarare quod per subscripta mearum dispositionem rerum iure testamentario volens ordinare huius rei gratia subnotatos in testimonium vtile duxi aduocare Igitur in nomine domini heredem mihi instituo kathedralem ecclesiam Frisingensem eiusque pro tempore venerabilem Chvnradvm episcopum nominatim in his prediis Ragz Wikartslage Heidenrichestein Lindestein in Austria cum omnibus eorum appenditiis siue mobilibus siue se mouentibus seu inmobilibus ac generaliter vniuersis rebus que me quoquo contingunt iure ubique locorum sitis legans ut expressa predia mox ut de medio euocata fuero ad ecclesie memorate dominium transeant pleno iure Preterea dicti C venerabilis episcopi fidei committo vt usu fructum prediorum Degenperge et Pivgen cum suis attinentiis et insuper sexaginta librarum Ratisponensiurn monete reddituum rerum ex donatione propter nuptias obuenientium prioris matrimonii mei nec non hereditatis bonorum fratris mei felicis recordationis Gebehardi ad me deuolute dulcissimo marito meo penes me bene merito Chvnrado comiti de Wazzerburc tantum in omne vite sue tempus ex integro derelinquat eodem usu fructu proprietati post ipsius mariti mei obitum consolidando Lego autem mee familie que mihi adhesit meque usque in obitum est secuta res meas mobiles quecunque nomine supellectilis censeantur per dictum episcopum cuique iuxta suum meritum distribuendas Sane certa quod hec mea ordinatio per querelam inofficiosi testamenti iure ciuili nullatenus expugnetur seu quod contra meas tabulas testamentarias nulli bonorum possessio iure pretorio tribuatur cum nemo sit superstitum qui vel isto uel illo iure ad euacuandas presentium vires admittatur ea proprii munimine sigilli necnon venerabilis patris supradicti C episcopi et Eberhardi Frisingensis decani et Friderici et Petri sanctorum Andree et Viti prepositorum Wernhardi Alberonis Chvnradi magister Heinrici Chvnradi notarii canonicorum earundem ecclesiarum vt pote hec acta sunt presentia volui roborari Aderant etiam huic testamento nobilis vir Gebehardus de Tolnze Chvnradus de Humbeln pincerna et Otto de Gotestorf Acta sunt hec anno gratie millesimo ducentesimo quadragesimo nono IIII nonas Februarii Ego Eberhardus ecclesie Frisingensis decanus ordinacioni huius testamenti rogatus interfui et hic subscripsi Ego Fridericus prepositus sancti Andree Frisinge ordinacioni huius testamenti rogatus interfui et hic subscripsi Ego magister Petrus sancti Viti Frisingensis prepositus hwic ordinacioni testamentarie rogatus interfui et hic subscripsi Ego Wernhardus canonicus sancti Andree Frisinge huic ordinationi testamentarie rogatus interfui et hic subscripsi Ego Albero canonicus sancti Andree Frisinge huic ordinationi testamentarie interfui et hic subscripsi Ego Chvnradus canonicus sancti Andree Frisinge hvic ordinationi testamentarie rogatus interfui et hic subscripsi Ego Heinricus sancti Andree canonicus huic ordinationi rogatus interfui et hic subscripsi Ego Chvnradus canonicus sancti Viti Frisinge et pro tempore notarius huic ordinationi rogatus interfui et hic subscripsi Ich Gebehart von Tolnze was an dem geschaeft vnd bins ovch gezivk