Charter Document - 04140151
| Charter Number: | 04140151 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1247 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Vlricus dei gratia dux Karinthie dominus Carniole constare volumus vniuersis intuentibus presens scriptum quod ius feodale videlicet quod in castro Praunsdorf habuimus ab ecclesia Frisingensi hactenus pacifice et quiete ob formam conuentionis inter venerabilem episcopum Ch ecclesie memorate videlicet et Rudolfum Fridericum quoque de Plintenpach fratrem suum pro ipso castro habite plenius conformandam ad manus dicti episcopi libere resignamus vt ipsum castrum dicti fratres a domino episcopo sepe dicto teneant deinceps iure feudi salua nichilominus forma conuentionis eorundem quemadmodum in instrumentis domini episcopi plenius continetur Preterea si dicti fratres de Plintenpach in forma ipsius conuencionis peccauerint et excesserint contra ecclesiam Frisingensem nisi ipsos excessus emendauerint pena debita et statuta prefatus episcopus memoratum castrum destruat per omnia et dissoluat nec ipsum castrum ex tunc indissolutum sibi liceat obseruare In cuius rei testimonium conscribi iussimus presens scriptum nostri pendentis sigilli munimine roboratum Datum in Laybaco anno domini MCCXLVII in die beati Rudeberti