Charter Document - 04140144
| Charter Number: | 04140144 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Lay |
| Charter Type(s): | Return |
| Date: | 1244 |
| Date type: | Internal, A.D., Calendar |
| Resource Link(s): |
Monasterium.net |
Charter:
Notum sit omnibus tam presentibus quam futuris quod ego comes Hermannus de Ortenburch possessiones quasdam sitas in Trahouen quarum prouentum et vsufructum iam diu tenui et percepi credens hoc mihi competere occasione hereditatis patrui mei comitis Heinrici de Wartenberch confiteor tenore presencium et protestor pertinere ad ecclesiam Frisingensem ad quam spectant ut pote dominicalia pleno iure vnde nunc saniori consciencia instructus errorem preteritum purificans in manum domini mei Chunradi venerabilis Frisingensis episcopi renuncio predictis possessionibus et sicut pertinenciis hactenus a me preter iusticiam usurpatis qui eciam ex diuina clemencia et sui gracia et iniurias ecclesie sue pretextu supradicte vsurpacionis irrogatas relaxauit in domino et remisit Et ne a me uel a meis uel a quolibet heredum meorum de predictis ualeat lis et questio suscitari presens instrumentum in testimonium renunciacionis trado ecclesie Frisingensi meo sigillo consignatum presentibus testibus subnotatis qui sunt dominus Wernhardus C Heinricus capellani domini Frisingensis episcopi dominus Gebhardus de Tolnz H Wagnarius Albertus de Ardacher H de Niwertingen milites Heinricus de Hohenburch comes Meinhardus de Rotenek et alii quam plures Datum Winne anno domini MCCXLIIII XI kal Marcij