Charter Document - 04140090
| Charter Number: | 04140090 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1074 |
| Date type: | Internal, A.D., Calendar |
| Resource Link(s): |
Monasterium.net |
Charter:
In nomine sancte et indiuidue trinitatis Heinricus diuina fauente clementia rex omnibus Christi nostrique fidelibus tam futuris quam presentibus notum esse uolumus qualiter nos in presentia principum nostrorum Gebehardi Salzburgensis archiepiscopi Ottonis Ratisponensis Uvillehelmi Traiectensis episcoporum Uvelph ducis Bauuariorum ceterorumque fidelium nostrorum ex predio quod Salamon rex Ungarorum nostre potestati subiugauit sancte dei genitrici uirgini Marie in ecclesia Frisingensi ubi corpus sancti Corbiniani quiescit rogatu et seruitio eiusdem sedis episcopi Ellenhardi c mansos his locis sitos Ascherichesbrvgge Chvningesbrvnnen Nowendorf Hasilowe sicque de Litaha ad eum locum qui terminus est inter Litaha et Vertowe cum omnibus appenditiis hoc est utriusque sexus mancipiis areis edificiis pratis pascuis uineis terris cultis et incultis uiis et inuiis aquis aquarumque decursibus molis molendinis piscationibus exitibus et reditibus quesitis et inquirendis exceptis uenationibus et uviltbanno in Litahaberge aliis autem omnibus utilitatibus in proprium tradendo firmauimus [et] firmando tradidimus ea uidelicet conditione qua cum omnibus ex prefato predio donatis convenimus ut idem Frisingensis episcopus Ellenhardus suique successores in quolibet castello specialiter in Miesenbvrc muniendo pro his c regalibus mansis nobis seruiant et in aliis omnibus nobis fideles existant Cuius traditionis testem cartam presentem nostro iussu consc[riptam nostra] autem manu confirmatam sigilli quoque nostri impressione insignitam cunctis seculis reliquimus Signum domni Heinrici quarti regis inuictissimi Adalbero cancellarius uice Sigefridi archicancellarii recognoui Anno dominice incarnationis millesimo LXXIIII indictione XIII VI kal Decembris data anno autem ordinationis Heinrici quarti XX regni XVIII Actvm Ratispone in nomine domini Jesv amen