Charter Document - 04140089

Notum sit omnibus Christi fidelibus qualiter Ellinhardus Frisingensis episcopus recognouit omnem decimam de uniuersis bonis que ecclesia sua tunc temporis habuit in comitatu Carniole sancte Aquilegiensi ecclesie per manum aduocati sui Ekkehardi ad altare sancte Marie in manum Sigehardi pathriarche suique aduocati Marchvardi Post hec vero idem episcopus traditis duabus Sclauonicis massaritiis cum omni iure ac proprietate qua ipse eas habuit in pertinentia curtis sue Lonka dicte sitis una seruo altera libero possessa ac plenaria decimatione iiii arearum ibidem positarum necnon et delegatis x Sclauonicis massariciis apud Uuinperch cum integra trium eiusdem curtis arearum cunctorumque tunc temporis inibi degentium seruorum decimatione eandem decimam redemit Preterea inter eos conuentum est ut si quos pathriarcha uellet ad ecclesias in Lonka constructas determinare clerici qui ibi sunt ita illos sicuti qui et determinati sunt ad Christianitatis iura legitime compellat ac inde et de ceteris ad ius pathriarche pertinentibus sibi uel archidiacono suo respondeant Collaudatum quoque est ut Frisingensis episcopus in supradictis a se datis apud Uuinperch massariciis ubicumque pathriarcha postularet ecclesiam faceret fabricari ea ratione ut pathriarcha eam consesecrans incolas earundem massaritiarum et siquos alios preter ad episcopum pertinentes uellet ad eam determinaret idem etiam episcopus in suis bonis iuxta utriusque partis uoluntatem ubi opus esset unam uel duas ecclesias construeret et pathriarcha uel episcopus ipsius licentia eas consecraret ita tamen vt omnes ad episcopum pertinentes et siquos alios pathriarcha uellet ad eas determinaret Ut autem huius congambii ac conuentionis firmitas stabilis et inconuulsa permaneat cleri ac populi ex utraque parte assensu roboratum est Huius rei testes sunt de militibus Aquilegiensis ecclesie Ratpot Marchuart Johannes Gozpreht Heinrih Altman Durinch Adelper de familia Nouol Ermenhart Johannes Engilfrit de militibus Frisingensis ecclesie Wignant Erchinpreht Reginmar Heimo de familia Dietrich Pezili Actum in civitate Aquilegia XVII kalendas Julii anno dominice incarnationis M[]IIII indictione XI