Charter Document - 04140083

In nomine sancte et indiuidue trinitatis Heinricus diuina fauente clementia rex Sancte dei ecclesie profectui tanto diligentius providere debemus quanto excelsius ex diuino munere sublimati sumus Quapropter omnibus Christi nostrique fidelibus tam futuris quam presentibus notum esse uolumus qualiter nos Frisingensi ecclesie in honorem sancte Marie sanctique Corbiniani constructe et consecrate ob petitionem ac interuentum Berthe regine regni thorique nostri consortis dilectissime instinctu quoque Epponis Niwenburgensis episcopi Ekkiberti marchionis Odalrici marchionis nec non ob fidele meritum Ellenhardi eiusdem sedis episcopi hasuillas Cubida Lovnca Ozpe Razari Trvscvlo Steina sancte Petre in pago Istria in marcha Odalrici marchionis sitas cum omnibus appendiciis suis hoc est utriusque sexus mancipiis uineis agris pratis campis pascuis siluis uenationibus forestis forestariis ecclesiis areis edificiis terris cultis et incultis aquis aquarumue decursibus molis molendinis piscationibus exitibus et reditibus uiis et inuiis merkatis theloneis monetis quesitis et inquirendis omnique utilitate iu proprium dedimus confirmauimus perpetuo iure obtinendum concessimus ea uidelicet ratione ut nullus successorum nostrorum imperator siue rex dux marchio comes aut alia maior uel minor persona iudicialis hec data prefate ecclesie auferre alinare aut ullomodo presumat inquietare sed prenominatus episcopus eiusque successores liberam inde potestatem habeant tenendi precariandi commutandi uel quicquid inde ad utilitatem eiusdem ecclesie uoluerint faciendi Et ut hec nostra regalis traditio stabilis et inconuulsa omni permaneat euo hanc cartam scribi manuque propria corroborantes sigilli nostri impressione iussimus insigniri Signum domni Heinrici quarti regis Gregorius cancellarius uice Annonis archicancellarii recognoui Data III nonas Martii anno dominice incarnationis MLXVII indictione V anno autem ordinationis domni Heinrici quarti regis XII regni vero XI Actum Ratispone feliciter amen