Charter Document - 04140075
| Charter Number: | 04140075 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1040 |
| Date type: | Internal, Calendar, Regnal |
| Resource Link(s): |
Monasterium.net |
Charter:
In nomine sancte et indiuidue trinitatis Heinricus diuina fauente clementia rex Si loca uenerabilia diuino cultui mancipata ob memoriam diuine remunerationis munere nostre consolationis benignius adaugendo ditare decreuerimus hoc non solum nobis ad regni nostri commodum uerum et ad anime nostre remedium salubriter prouenire credimus Quapropter omnium Christi nostrorumque fidelium presentium scilicet et futurorum uniuersitati notum esse uolumus qualiter nos summe diuinitatis intuitu per interuentum nobis dilectissimi Sigibotonis sancte videlicet Spirensis ecclesie uenerabilis epis copi necnon ob assiduum fideleque seruitium domni Nitkeri Frisingensis ecclesie presulis celeberrimi eadem scilicet beniuolentia et auctoritate qua similiter fecit et ante me beate memorie dominus genitorque meus pius et per omnia catholicus Chuonradus siquidem imperator augustus qui me interpellante in idipsum etiam consilio et re conspirante cartam constitutioiris eiusdem immo hec eadem continentem manu propria roborando omnique lege confirmando in ius Frisingensis ecclesie tradidit nos pariter animo nihilominus uolenti tradidimus et concessimus ad altare semper uirginis Marie sanctique Corbiniani nobilissimi Christi confessoris in ciuitate Frisinga corpore quiescentis curtem Alarun sitam in marchia et in comitatu Adelberti marchionis cum omnibus ad eundem locum iure ac legaliter pertinentibus cum mancipiis utriusque sexus cum areis edificiis agris uineis campis terris cultis et incultis pratis pascuis siluis uenationibus aquis aquarumue decursibus piscationibus molis molendinis viis et inuiis exitibus et reditibus quesitis et inquirendis seu cum omni utilitate que vel scribi aut nominari ullomodo potest eandemque curtem in ius atque dominium prefate Frisingensis ecclesie ea ratione omnino transfudimus et in perpetuam proprietatem donauimus ut idem uenerabilis antistes Nitkerus et successores sui absque violentia ullius nostri successoris siue regis siue imperatoris liberam posthac licentiam hanc habeant potenter possidendi commutandi vel quicquid inde sibi saluo iure ecclesie placuerit faciendi Et ut hec regalis nostre traditionis integritas stabilis et inconuulsa per futura annorum curricula perseueret hoc auctoritatis nostre preceptum inde conscriptum sigilli nostri impressione insigniri iussimus Signum domni Heinrici tertii regis inuictissimi Theodericus cancellarius uice Bardonis archicapellani recognoui Data XV kal Februarii interdictione VIII anno dominice incarnationis XXL anno vero ordinationis domni Heinrici tercii XII regni autem I Actum Auguste feliciter amen