Charter Document - 04140070
| Charter Number: | 04140070 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1030 |
| Date type: | Assigned |
| Resource Link(s): |
Monasterium.net |
Charter:
Notum sit omnibus Christi fidelibus presentibus scilicet atque futuris qualiter placuit inter uenerabilem istius sedis presulem Egilbertum et inter quandam familie huius feminam Willirun dictam cum consilio vicedomni Altmanni nec non videlicet aduocati Odalscalchi ceterorumque huius familie virorum quandam conmutationem facere quam et fecerunt Tradidit namque eadem femina cum manu aduocati sui Pezilini in loco Lochnesdorf dicto arabilis terre dimidium iuger in manum aduocati supradicti O ad altare sancte Marie sanctique Corbiniani perpetualiter existendum Econtra predictus aduocatus in manum eiusdem femine et aduocati sui re tradidit in eadem uilla Lochnesdorf curtiferum i non equali mensura sed minus quam tradidit eo tenore ut liberam inde habeat potestatem quicquid libitum fuerit faciendi Testes de familia Livtheri item Liutheri Eccho Rantvuic item Rantuuic