Charter Document - 04140068
| Charter Number: | 04140068 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Religious |
| Charter Type(s): | Protection |
| Date: | 1030 |
| Date type: | Assigned |
| Resource Link(s): |
Monasterium.net |
Charter:
In nomine sancte et indiuidue trinitatis Notum sit uniuersis ecclesie filiis qualiter inter uenerabilem Frigisingensis ecclesie presulem Egilbertum et inter abbatem santi Stephani protomartiris Arnoldum quoddam cum concordi cleri et plebis deliberatione et uoto factum est concambium Tradidit namque idem antistes cum manu aduocati sui Odalscalchi in manum abbatis prefati de possessionibus sue ecclesie quicquid eo die iam dictus abbas in potestate uel inuestitura sua habuit in prediis in mancipiis in decimis molendinis scilicet Hegilinhusun cum omnibus appendiciis ad eundum locum pertinentibus Perhah sub eodem iure Mammandorf cum ecclesia decimata Osti Ubarmussi cum ii ecclesiis decimatis tres hobas Wihsa Gisilinga Stroga Uuippanhusun quod beneficium fuit Aribonis Buirra cum ecclesia decimata Zamindorf quod Egino presbiter in mutuum dedit episcopo predicto territorium in urbe Radaspona unam houbam cum equino territorio ad Pullingun territorium equinum ad Hutichar Elahbah Hec omnia Egilbertus episcopus ut dixi tradidit ad altare sancti Stephani et ipsius altaris seruitoribus siue sint monachice seu canonice conuersationis pro perenni imperatoris Heinrici suimetque felicitate iure proprietatis possidendum Econtra abbas Arnoldus cum manu eiusdem aduocati Odalscalchi in manum predicti antistitis Egilberti in reconpensationem traditionis predicte cum manu potestatiua in ius proprietatis ecclesie sancte Marie et sancti Corbiniani pari utriusque partis deliberatione et consilio retradidit partem cuiusdem insule Sahsonaganc dicte in prouincia Orientali et in marchia Adalperti comitis site quam ob spem retributionis diuine et ob interuentum eiusdem episcopi bone memorie Heinricus imperator sancto Stephano eiusque seruitoribus sub testamento tradidit his terminis inclusam a loco Zuntinesprucca uisum per ripam Danubii usque in locum Orta dictum et inde in siluam quam Hart uulgariter nuncupant et a supradicto ponte per directum usque in eandem siluam Hart ipsam uidelicet insulam Sahsonaganc quantum suprascripto continetur termino prout altari sancti Stephani traditum erat ut dixi episcopo mutua uicissitudine retradidit Et ut hec commutatio stabilis permaneat litterarum serie ueraciumque testium ut mos est firmatum est testimonio Altman comes Hartuuic Sarhilo Meginhart Herrant de familia Heilrih Mathuni Liutheri item Liutheri Sinzo Gerhart Reginhalm Geruuic Peratholt Herrih Rihfrit Gozolt Dietpreht Ebararo Frouimunt