Charter Document - 04140062

Anno dominice incarnationis millesimo uicesimo quinto Summe diuinitatis miseratione prouisum est ut pia deoque amabilis domina Chunigunda imperatrix augusta ob amorem celestis desiderii atque ob recordationem diue memorie senioris sui Heinrici imperatoris augusti necnon ob quoddam uite temporalis emolumentum cum consilio gloriosi ducis Baioariorum Heinrici scilicet fratris sui cunctorumque procerum et optimatum comitumque Baioarice prouintie ac iudicum quedam iuris sui predia Rantesdorf siue Ranteshova Hohperchah Ostermuntinga Veltchiricha nominata traderet in manus venerandi Egilberti Frigisingensis ecclesie episcopi et aduocati sui Odalscalchi cum ecclesiis ac decimis cum foresto Vvillihart et forestariis cum terris cultis et incultis mancipiis utriusque sexvs vineis molendinis et cum omnibus iuste et legaliter ad ea pertinentibus exceptis tantum v servilibus mansis cum pratis ad eosdem rite pertinentibus in officio Bezilini sitis quod nuncupatur et quinque servis cum iiii ancillis quibus ipsvm beneficium tunc temporis erat possessum Quod uidelicet beneficium ea lege ut dictum est ipsa domna imperatrix augusta tradidit in proprium vxore prefati Bezilini absque uenationibus et saginationibus ac sine lignorum incisionibus in foresto iam dicto Excepit etiam memorabilis imperatrix camerarium i Azili nominatum absque beneficio sui et famulas ii Peza et Raza nominatas Insuper etiam imperatrix augusta tradidit eidem episcopo quicquid visa est habere in loco Hal dicto cum utriusque sexus mancipiis edificiis terris cultis et incultis sartaginibus ac locis sartaginum ac locis onustariis witeuendin censalibus et cum omnibus iure et legaliter ad ipsam salinam respicientibus atque cum omnibus rebus quas visa est habere supra fluvium Sala nominatum ea videlicet ratione ut ipsa venerabilis domina quamdiu deo ordinante u[iueret ausgefressene Stelle auch im Cod leerer Raum] res omnes supramemoratas in integrum possideret Post decessum vero vite mortalis pro elemosina pie memorie domini sui Heinrici imperatoris adoptato quoque proprie anime remedio ad altare sancte Marie semper virginis sanctique confessoris Christi Corbiniani Frigisinge corporaliter quiescentis in ius videlicet atque dominium egregii antistitis Egilberti successorumque suorum lege precaria refunderentur Testes Gerolt comes Fridirih comes Arnolt comes Hartvuic palatinus comes Adalpero comes Tiemo comes Poppo comes Piligrim comes Altman comes item Gerolt comes Gumpolt comes Heinrih filius Tiemonis comitis Perahtolt filius Fridirici comitis Gerolt filius Geroldi comitis Sarhilo filius Sarhilonis comitis Gerolt Maganus Gamanolf Helmpreht Hartvvic Ekkihart Liutolt Econtra vero prelibatus pontifex cum consilio atque consensu suorum tam clericorum quam laicorum maximeque pii ducis Heinrici ac optimatum suorum retradidit deo deuote imperatrici Chunigunde lege ut supradictum est precaria cum manu aduocati sui Odalscalchi de rebus ecclesie sue curtem Isona uocatam curtem Purgreina ac curtem que dicitur Dorfa curtem etiam Tegrinvvach cum terris cultis et incultis cum ipso monasterio et congregatione sancti Zenonis ac reliquis ecclesiis et decimis cum mancipiis utriusque sexus molendinis siluis conpascuis zidalvueidis omnique penitus utilitate ad predictum uenerabilem locum pertinentibus rerumque predictarum uestituram eo tenore ut predicta domina et datum et acceptum usque ad felicem uite sue [terminum] potestatiue possideat postea vero integritas ambarum partium datis scilicet et accepti omni contradictione remota ad altare sancte Marie sanctique Corbiniane ad specialem usum Frigisingensis presulis Egiberti suorum successorum firma allegatione iureque proprio consistat Si autem forte quod absit euenerit ut uiolentia siue usurpatiua potestate alicuius imperatoris vel regis aut etiam ducis siue episcopi hec precaria in illa uel in ista parte dissoluatur aut [infringatur uterque qui] dedit recipiat [et in] suum usum et uestituram sicut ante habuit reflectat Testes Gerolt comes Fridirih comes Arnolt comes Hartvvic palatinus comes Adalpero comes item Adalpero comes Eberhart comes Tiemo comes Poppo comes Piligrim comes Altman comes item Gerolt comes Guntpolt comes Heinrih filius Tiemonis comitis Perahtolt filius Fridirici comitis Gerolt filius Geroldi comitis Sarhilo filius Sarhilonis comitis Gerolt Maganus Gamanolf Albrih item Gamanolf Helmpreht Hartvvic Ekkihart Liutolt