Charter Document - 04140055
| Charter Number: | 04140055 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1007 |
| Date type: | Internal, A.D., Regnal |
| Resource Link(s): |
Monasterium.net |
Charter:
In nomine sancte et indiuidue trinitatis Heinricus diuina fauente clementia rex Omnibus sancte dei ecclesie fidelibus presentibus et futuris notum fieri uolumus qualiter nos tam pro nostre remedio anime quam pro dilectissime contectalis nostre Cunigunde uidelicet regine peticione nec non et familiarissimi nobis Eberhardi cancellarii pia interuentione insuper amabillimi nostri Egilberti [episcopi assidua] obsequendi admonitione quedam nostri iuris predia Uueliza et Linta vocitata in provincia Karinthia et in co[mitatu Adelberonis sita cum] familiis utriusque sexus et cum curtiferis areis edificiis terris cultis et incultis uiis et inuiis exitibus et reditibus qua [sitis et inquirendis] rebus mobilibus seu immobilibus aquis earumue decursibus molis molendinis piscationibus siluis saginis uenationibus apum paseuis paludibus alpibus uallibus planiciebus [et] omnibus rebus iuste uel legaliter ad eandem cortim respicientibus ad ecclesiam sancte dei genitricis sanctique Corbiniani Christi confessoris omnium contradictione remota hac nostre auctoritatis preceptali pagina donantes proprietauimus eo scilicet tenore ut prelibatus episcopus suique successores liberam dehinc habeant potestatem eadem antedicta predia tenendi possidendi commutandi uel quicquid sibi libeat modis omnibus inde faciendi Et ut hec nostre tradicionis auctoritas stabilis et inconuulsa permaneat hanc cartam manu propria roborantes sigilli nostri inpressione insigniri iussimus Signum domni Heinrici regis inuictissimi Eberhardus cancellarius uice Uuilligisi archicapellani recognoui Data VI idus Mai indictione V anno dominice incarnationis MVII anno vero domni Heinrici secundi regni V Actum Babenbere feliciter amen