Charter Document - 04140054
| Charter Number: | 04140054 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1007 |
| Date type: | Internal, A.D., Regnal |
| Resource Link(s): |
Monasterium.net |
Charter:
In nomine sancte et indiuidue trinitatis Heinricus diuina fauente clementia rex Nouerint omnes Christi nostrique fideles qualiter nos pro nostre seniorisque nostri Ottonis imperatoris anime consulentia parentumue nostrorum felici memoria et per interuentum dilecte coniugis nostre Cunigunde regine Parthenopolitanique archiepiscopi Taginini dicti ac pro indulgentia bone memorie Abrahe episcopi in cuius laribus eis que sancte Marie sanctique Corbiniani erant bonis pariter utentes paterno lenimine benigne nutriebamur ac pro requie pii presulis Gotescalchi iam defuncti et quia nostrum fidelem Egilbertmn antistitem de propria quasi camera ad tale dispendium superandum vix nostre assiduitati subtraximus quoddam nostri iuris predium Chatsa uulgo nominatum in prouincia Karinthia situm cum familiis utriusque sexus cortiferis edificiis terris cultis et incultis quesitis et inquirendis rebus mobilibus et inmobilibus uiis et inuiis exitibus et reditibus aquis aquarumque decursibus molendinis piscationibus siluis uenationibus saginis zidaluueidis alpibus uallibus paludibus omnibusque eidem predio iuste uel legaliter pertinentibus ad ecclesiam Marie matris domini eiusque sancte confessoris Corbiniani ia proprium donauimus eo namque tenore ut iam dictus Egilbertus Frisingensis episcopus suique successores absque contradictione omnium nostro dominio subditorum liberam exinde habeant potestatem tenendi possidendi commutandi uel quicquid in usum ecclesie libuerit faciendi precipientes igitur ut nullus dux aliquisue comes iugum aut aliquam districtionem seruis libertisque in eodem predio habitantibus imponere ius habeat sed aduocatus eidem corti ab episcopo inpositus quicquid in eadem curte regendum emendandumue sit iuxta leges ac instituta maiorum potestatiue difiniat Et ut hec nostre traditionis auctoritas stabilis et inconuulsa permaneat hanc nostri precepti paginam inde conscriptam manu propria roborantes sigilli nostri inpressione insigniri iussimus Signum domni Heinrici regis inuictissimi Eberhardus cancellarius uice Willigisi archicapellani recognoui Data VI idus Maii iudictione V anno dominice incarnationis MVII anno vero domni Heinrici secundi regnantis V Actum Babenberg feliciter amen