Charter Document - 04140053
| Charter Number: | 04140053 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1002 |
| Date type: | Internal, A.D., Calendar |
| Resource Link(s): |
Monasterium.net |
Charter:
In nomine sancte et indiuidue trinitatis Heinricus diuina fauente clementia rex Nouerint omnes fideles nostri presentes scilicet et futuri qualiter nos ob interuentum dilecte nostre coniugis Chunigunde regine fidelisque nostri Gotescalchi Frisingensis ecclesie antistitis quoddam predium Strasista uocatum et quiequid intra tres fluuios Libniza Sabum Zoura in regione Carniola et in comitatu Vualtilonis comitis nostri iuris situm est super gremium sancte Marie semper uirginis sanctique Corbiniani ibidem Frisinge corporaliter quiescentis in proprium donauimus cum omnibus ad idem predium pertinentibus edificiis mancipiis agris pratis siluis paseuis aquis aquarumque decursibus molendinis piscationibus exitibus et reditibus zidaluvedon foresto deeimis uineis uinetis uenationibus uiis et inuiis cultis et incultis quesitis et inquirendis et cum omnibus appenditiis eo tenore ut predicta nostra regalis traditio eidem presuli Gotescalco et post illius uite terminum Frisingensi ecclesie canonicis pro remedio anime nostre parentumque nostrorum absque omnium contradictione mortalium in perpetuum deseruiat Jussimus quoque inde hoc preceptum scribi et ut hoc firmius stabiliusque permaneat in futurum manu propria subtus firmauimus anulique nostri inpressione assignauimus Signum domni Heinriei inuictissimi regis Engilbertus cancellarius in uice Willigisi archicancellarii notaui Data VIII kal Decembris anno dominice incarnationis MII indictione i anno vero domni Heinrici inuictissimi regis Actvm Radaspone