Charter Document - 04140038

In nomine sancte et indiuidue trinitatis Otto diuina fauente clementia imperator augustus Nouerit igitur omnium fidelium nostrorum presentium scilicet et futurorum industria qaliter nos dignis et admodum honestis petitionibus dilectissime coniugis nostre Theophanu nec non cari nepotis nostri Baiariorum ducis Heinrici suppliciter obsequendo rogati venerabili et totius religionis uiro Abrahe sancte Frigisingensis ecclesie presuli nostre familiaritati digne adiuneto quandam nostre proprietatis partem in regione vulgari vocabulo Chreine et in marcha et in comitatu Paponis comitis sitam id est ubi riuvlus Sabniza originem producere incipit deinde statim occidentem uersus cacumina montium siluasque interiacentes usque ad Bocsanam et sie ad fines earundem alpium deinde ubi riuvlus Cotabla originem sumit usque ad hunc locum ubi hostium in Zoura fluuium mittit sieque trans Zouram usque ad summitatem ipsius montis Zoure adieentis qui extenditur orientem uersus et ita per eundem montem perque conualles usque ad castrum quod vulgo Bosisen uocatur et sie deorsum de ripa quantum extenditur unius iugeri longitudo usque ad uadum quem vulgo Stresoubrod uocant ibique ultra eundem fluuium occidentem uersus usque in uiam que uocatur uia Chreinariorum et sursum per eandem uiam quicquid campi in australi eiusdem uie parte iacet ita ut Primet territorium et siluvla que Szovrska Dubravua [dicitur] sub eadem comprehensione teneatur et spatium quod iacet inter Primet et Vuizilinesteti per medium diuidatur et sie usque in prefatum riuvlum Sabniza nostra imperiali donauimus potentia in proprium et perpetuum vsum concessimus firmiterque cum terris eultis et incultis pratis pascuis siluis edificiis aquis aquarumue decursibus ipsoque iam dicto foresto uenationibus piscationibus molendinis mobilibus et inmobilibus uiis et inuiis exitibus et reditibus quesitis et inquirendis et eum omnibus iure legaliterque ad hec pertinentibus Precipimus etiam et nouiter constituimus eisdem in locis bannum nostrum a riuulo Sabniza uersus occidentem usque ad finem Bosanga et inde usque ab iam dictum riuvlum Chotabla indeque usque in Zovra fluuium et quicquid intra hec eadem prefata undique secus comprehensum uidetur loca et regio imperatorioque more iubemus eo tenore ut siquis quarumlibet personarum in quibuslibet iam dictis siluularum uel forestorum locis cuiuslibet generis feras canibus uel qualicumque modo comprehenderit bannum huiusmodi culpa nostro debitum fisco [i]psi episcopo dubietate postposita si hoc absque eius fecerit licentia dominica estimatione persoluat Hec uero et cetera iam dicta tali consistant ratione ut ipse iam dictus episcopus libero deinceps perfruatur arbitrio hec omnia tenendi dandi uendendi commutandi seu quicquid inde uoluerit faciendi Et ut hec nostre largitionis auctoritas firmior stabiliorque cunctis sancte dei ecclesie filiis perpetim credatur hanc cartam inscribi iussimus anuloque nostro signatam manu propria subtus eam fimauimus Precipimus etiam ut nullus comes uel iudex siue decanus neque aliqua persona ius habeat se intromittendi absque licentia episcopi aut eius cuicumque ipse commendauit Signum domni Ottonis imperatoris augusti Uuilligisus cancellarius uice Ruodberti archicappellani subscripsi Data VIIII kal Decembris anno incarnationis domini DCCCCLXXIII indictione II anno regni domni Ottonis XIII imperii VII Actum Heiligenstat amen