Charter Document - 04140036
| Charter Number: | 04140036 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 0973 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
In nomine sancte et indiuidue trinitatis Otto diuina fauente clementia imperator augustvs Nouerit omnium industria fidelium nostrorum tam presentium quam futurorum qualiter per interuentum dilecte matris nostre Adelheide et fidelis nostri uidelicet Heinrici ducis quasdam partes nostre proprietatis sitas in ducatu prefati ducis et in comitatu Poponis comitis quod Carniola uocatur et quod uulgo Creina marcha appellatur Est enim in ipso comitatu riuulus paruus qui uocabulo Sclauorum Sabniza nuncupatur ab exitu illius ubi oritur statim cacumina uel summitates montium occidentalem partem uersus usque ad Zelsah et hoc ipsum territorium cum omnibus ad hoc pertinentibus nec non et alpem Bosangam deinde trans Zouriza usque ad montem Lubnic ipsumque montem usque ad maiorem amnem qui Zoura uocatur utramque ripam illius amnis deorsum usque ad ostium pretitulati riuuli Sabniza indeque sursum ad caput uel exitum ipsius riuuli quicquid inter ipsa confluentia habuisse uideamur loca sie notninata Sabniza Lonca Susane iterumque Celsah uel qualicumque uocabulo uocantur hoc totum in proprium cuidam nostro fideli nobisque satis percaro episcopo Abraham uocitato donauimus cum omnibus rebus iure legitime [que] ad pretitulata loca aspicientibus cum curtilibus et edifieiis manieipiis utriusque sexus si inibi nostri iuris inueniuntur agris cultis et incultis pratis pascuis siluis aquis aquarumque decursibvs molendinis piscationibus uenationibus uineis et uinetis uiis et inuiis exitibus et reditibus quesitis et inquirendis et nobilibus et inmobilibus hec omnia ut prescripsimus uolumus ut prefatus episcopus firmiter teneat sine obstaculo uel contradictione ulla Insuper vero ubicunque in illa regione in foresto nostro siue in qualicunque loco pascua porcorum inuenta erunt suis porcis inibi iiutritis saginationem habeat Et ut nullus comes uel dux seu ulla persona in aliquo se intromittat absque licentia uel iussione prefati episcopi Abrahe aut illius hominis eui episcopus hoc ad regendum commiserit Et ut hec nostre donationis auctoritas firmior stabiliorque permaneat iussimus quoque hoc presens preceptum inde conscribi anulique nostri inpressione sigillari per quod uolumus firmiterque iubemus quatenus prefatus episcopus liberum arbitrium habeat sibi tenendi commutandi tradendi uel quicquid sibi placuerit exinde faciendi et ut uerius a posteris nostris in futurum credatur manu nostra id ipsum subtus roborantes Signum domni Ottonis inuictissimi imperatoris Willigisvs cancellarius uice Rodberti archicancellarii recognoui Data II kal Ivlias anno dominice incarnationis DCCCCLXXIIII indictione II anno domni Ottonis regni XIII Imperii VII Actum Dribure