Charter Document - 04140034
| Charter Number: | 04140034 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 0965 |
| Date type: | Internal, A.D., Calendar |
| Resource Link(s): |
Monasterium.net |
Charter:
In nomine sancte et indiuidue trinitatis Nouerint omnes Christi fideles tam presentes quam futuri qualiter Otto imperator Romanorum augustus quedam iuris sui predia in loco Intichinge sita cum ministris et cum omnibus pertinentus et utensilibus eorum aliisque appenditiis ad ecclesiam sancte dei genitricis sanctique Corbiniani Christi confessoris perpetualiter existenda tradidit ea uidelicet ratione ut idem prefati ministri eorumque successores prediorum suorum scilicet cum areis edibus terris cultis et incultis uiis inuiis exitibus vel reditibus quesitis et inquirendis aquis erumque decursibus molis molendinis piscationibus siluis uenationibus apum pascuis paludibus alpibus uallibus planiciebus omnibus rebus iuste vel legaliter ad eadem respicientibus liberam habeant potestatem ante dicta predia tenendi possidendi commutandi vel quicquid sibi libuerit modis omnibus inde inter se faciendi Insuper idem gloriosissimus imperator locum eundem ab omni iugo regiminis scilicet ducum comitum aliarumque potestatum liberum et securum suspendit excepto aduocato qui eius imperiali panno ex regia manu suscepto que regenda sunt regat que deffendenda sunt deffendat et si aliquis eosdem filios ecclesie siue episcopus siue alii potentes vel de predii proprietate vel regiminis potestate iniuste et inlegitime opprimere et inquietare presumpserit liberam habeant licenciam imperialem aulam super hoc appellare et proclamare Nomina alpium ad eandem proprietatem pertinentium Pragas Serla Pletces Cunasella Uiscalina Sexta Nemes Anauanto Ualdomonega Ualpericula Kartitsa Uallesella Aluala Maserola Sirminit Ualferna Frontal Campcauerin Ualgratto Plancho Monteplana Riualua Signum domni Ottonis inuicti imperatoris augusti Hartradus cancellarius uice rononis archicapellani subscripsi Data XI kalendas Augusti anno incarnationis domini DCCCCLXV indictione VIII Magoncia actum feliciter amen