Charter Document - 04140025
| Charter Number: | 04140025 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 0891 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
In nomine sancte et indiuidue trinitatis Arnolfus diuina fauente clementia rex Si erga loca diuinis cultibus mancipata curam gerimus et aliqua potestatis nostre eis inpenderimus subsidia pro eterna adipiscenda salute hoc nobis non ambigimus esse profuturum Quapropter omnium Christicolorum patescat agnitioni quomodo nos pro diuine remunerationis emolumento nec non ob interuentum Waldonis sancte Frisingensis ecclesie presulis quandam iuris nostri capellam in Sclainie partibus ad curtem nostram que Liburna uocatur consistentem quamque Waningus capellanus noster in beneficium tenuit cum omnibus appenditiis suis ad prefatam sancte dei genitricis semperque uirginis Marie ecclesiam electumque Christi confessorem Corbinianum qui ibidem corporaliter requiescit nec non ad sanctos dei martyres Primum uidelieet et Felicianum quorum in eisdem partibus in loco qui uulgo Uueride uocatur conseruata mieat ecclesia perpetualiter consistendam tradidimus cum curtibus et edificiis familiis ac mancipiis decimis censibus terris cultis et incultis agris pratis pascuis siluis aquis aquarumque decursibus molinis piscationibus uiis et inuiis exitibus et reditibus quesitis et inquirendis et uniuersis que legaliter ad ipsam capellam pertinere censentur et iussimus hunc presentem muniminis nostri titulum inde conscribi firmiter imperantes ut eadern capella cum uniuersa integritate sua ad prelibatam principalem diocesis sue sedem nostris futurisque temporibus pertineat atque constistat ita ut rectores eiusdem ecclesie perenni ueluti de eeteris episcopii sui rebus semper utantur arbitrio quicquid inde facere uoluerint sine ullius obstaculo Et ut hoc uerius credatur diligentiusque ab omnibus conseruetur manu nostra subtus hoc idem roborantes preeeptvm anulo nostro iussimus insigniri Signum Arnolfi piissimi regis Egilpero notarius ad ui cem Theotmari archicapellani recognoui Data XII kal Augusti anno dominiee incarnationis DCCCXCI indictione VIII anno regni domni Arnolfi piissimi regis iiii Actum ad Matahhoue curte regia in dei nomine felicter amen