Charter Document - 04140023
| Charter Number: | 04140023 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0875 |
| Date type: | Internal, A.D., Calendar |
| Resource Link(s): |
Monasterium.net |
Charter:
Traditio Annonis In Christi nomine Pateat auribus fidelium nobiliumque uirorum in prouincia Baiuuuariorum degentium qualiter quidam nobilis uir nepos et equiuocus domni Annonis episcopi diuina conpunctus clementia deuota pertractans mente ut aliquid boni domo dei concessisset et suorum mereretur indulgentiam percipere delictorum inde ueniens Frigisingam ante requiem sancte dei genetricis Marie sanctique Corbiniani confessoris Christi tradidit in capsam eiusdem uirginis Marie quicquid illo die in loco qui dicitur Hai uisus fuerit proprietatis possidere et nihil pretermisit quod domo dei non donasset eo siquidem modo quod de domo dei eodem rectore Annone tribuente de pecunia solidos suscepit xl ut eo firmius nullo contradicente memorabiliusque eadem iam dicta traditio ad eandem permaneret ecclesiam inconuulse perennis felieiter annis Acta ad Frigisingas in XIII kal Junii anno incarnationis domini DCCCLXXV indictione VIII Isti sunt testes Petto Liutprant Otbreht Otacchar Uuerimbreht Uuillibreht