Charter Document - 04140005
| Charter Number: | 04140005 |
|---|---|
| Cartulary Title: | Freising, Bistum und Hochstift (763 - 1364 [1350]) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0778 |
| Date type: | Internal, A.D., Regnal |
| Resource Link(s): |
Monasterium.net |
Charter:
Notum sit omnibus Christi fidelibus tam presentibus quam futuris qualiter Tassilo dux pro remedio anime sue parentumque suorum quedam proprietatis sue predia in loco Intichinge sita cum ministris ad eundem locum pertinentibus ad altare sancti Petri sanctique Tertulini martirum in loco Scarenza per manum Richardi eiusdem congregationis abbatis omnium contradictione remota firmiter ac legitime tradidit eo scilicet tenore ut idem prelibati ministri eorumque successores prediorum suorum cum familiis utriusque sexus et cum areis edificiis terris cultis et incultis uiis inuiis exitibus vel reditibus quesitis et inquirendis rebus mobilibus seu inmobilibus aquis earumque decursibus molis molendinis piscationibus siluis uenationibus pascuis paludibus alpibus uallibus planiciebus omnibus rebus iuste vel legaliter ad eorum proprietatem respicientibus liberam habeant potestatem tenendi possidendi conmutandi vel quicquid sibi libeat modis omnibus inter se inde faciendi Nomina alpium ad eiundem iuris proprietatem pertinentia Riualua Monteplana Ualgratta Campcauerin Frontal Ualferna Sirmenit Maserola Aluala Uallesella Plancho et alie quocunque sint uocabulo uocata Anno domini incarnationis DCCLXXXVIII indictione XII anno vero ducatus sui V Actum Scarenza feliciter amen