Charter Document - 04130054
| Charter Number: | 04130054 |
|---|---|
| Cartulary Title: | Engelhartszell, Zisterzienser 1227 - 1300 |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1314 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos frater Otto dictus abbas in Cella Principis profitemur publice in his scriptis quod anno domini MCCCXIIII in die sancti Gregorii pape de bona permissione et beneplacito reverendi in Cristo patris domini Chunradi abbatis de Alderspach domus nostre visitatoris ac benigno consensu et unanimi conventus nostri duas curias nostras videlicet Puech in ista parte Danubii sitam et Awe in alia parte Danubii juxta Veldkirchen vendidimus cum ommbus juribus suis et pertinentiis suis pro LXXV libris pataviensibus et XXX libris viennensibus venerabili in Christo patri domino Christiano et conventui suo in Cella angelorum ab ipsis et eorum successoribus perpetuo possidendas et eandem summam pecunie fatemur integre percepisse obligantes nos et ecclesiam nostram ad defendendas predictas curias per annos menses et dies secundum jus terre et consuetudines approbatas contra quoslibet impetentes [sine] quolibet dispendio predicte ecclesie in Cella angellorum In cujus rei testimonium ipsis presentes dedimus literas predicti domini abbatis de Alderspach sigillo et nostro legaliter communitas