Charter Document - 04130043
| Charter Number: | 04130043 |
|---|---|
| Cartulary Title: | Engelhartszell, Zisterzienser 1227 - 1300 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1309 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Wernhardus dei gracia ecclesie Pataviensis episcopus presentibus confitemur quod zelo devocionis interne compuncti et cogitantes de procurando nobis salutari remedio vineam Neunburge sitam in loco qui Cholgrub vocatur a Berchtoldo dicto Pruknario pro centum talentis denariorum wiennensium de nostra privata pecunia comparavimus eamque pro nostre salutis augmento donavimus dedimus mere proprietatis titulo monasterio sancte Marie in Cella angelorum procurantes venerabilem fratrem dominum Christianum abbatem dicti monasterii per ministerium domini prepositi Neunburgensis magistri montis de eadem vinea corporaliter investiri eique sibi possessionem adhibita sollempnitate solita assignari Ad hoc autem eciam eo modum corporale nos induxit ut videlicet in nostro successorumque nostrorum transitu ac venerabilium fratrum nostrorum prepositi decani et canonicorum ecclesie nostre adventu delectabile vinum quo hactenus caruit dictum monasterium ad refectionem nostram et fratrum nostrorum predictorum tanto largius administretur quanto illo copiosius habundabit In cuius rei testimonium ad perpetuam memoriam presentes dedimus literas nostro sigillo munitas Datum Neunburge anno domini MCCC nono Mathie apostoli