Charter Document - 04130039
| Charter Number: | 04130039 |
|---|---|
| Cartulary Title: | Engelhartszell, Zisterzienser 1227 - 1300 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1304 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Wernhardus dei gracia ecclesie Pataviensis episcopus presentibus ad futuram rei memoriam confitemur quod cum Cunradus Hagarius et Cunradus filius suus decimam in Neundorf a Pataviensi ecclesia tenerent in feudum nec a nobis sepius moniti et rogati induci potuerint ut eandem Pataviensi nostre ecclesie ad quam directum ipsius dominium pertinuit restituerent mortuo tandem Chunrado seniore Hagario et Chunrado ejus filio succedente jure hereditario in eadem decima idem Chunradus Hagarius junior decimam prenotatam in Neundorf religioso conventui fratrum in Cella angelorum pro anime sue remedio condonavit Nos vero attendentes fore salutare decimam divini juris a laicis detentam in usum ecclesiasticum redire et in augmentum divini cultus transferri feliciter et converti donacionem premissam auctoritate ordinaria confirmamus volentes ipsam subnixam fore perpetua firmitate In cujus rei testimonium presentes dedimus literas nostro sigillo munitas Datum Wienne anno domini MCCCIV in crastino beatorum apostolorum Phylippi et Jacobi