Charter Document - 04130038
| Charter Number: | 04130038 |
|---|---|
| Cartulary Title: | Engelhartszell, Zisterzienser 1227 - 1300 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1304 |
| Date type: | Internal, A.D. |
| Resource Link(s): |
Monasterium.net |
Charter:
Nos Wernhardus dei gracia ecclesie Pataviensis episcopus presentibus confitemur quod nos decimas que divini juris existunt ad possessionem ecclesie de manibus laicorum qui eas perpetuo infeudacione detinent auctoritate ordinaria de certa sciencia venerabili in Christo fratri domino abbati et monasterio in Cella angelorum septem domorum decimas in Hakendorf sitarum in parochia Engelcelle et decimam unius domus in Veuchten quas predictus dominus abbas Christianus monasterii antedicti a nobilibus viris Ortolfo et Hadmaro de Waldek et vasallis eorum comparavit et redemit quarum quidem decimarum dominium directum ad ecclesiam nostram originaliter dignoscitur pertinere monasterio in Cella angelorum annectendas et appropriandas duximus volentes abbatem et conventum ejusdem monasterii perceptione earundem decimarum gaudere perpetuo inconcusse dantes eisdem super hec presentes literas nostro sigillo in testimonium roboratas Datum in santo Ypolito anno domini MCCC quarto VIII idus Martii