Charter Document - 04130037
| Charter Number: | 04130037 |
|---|---|
| Cartulary Title: | Engelhartszell, Zisterzienser 1227 - 1300 |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1304 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Wernhardus dei gracia ecclesie Pataviensis episcopus presentibus confitemur quod cum nos de assensu venerabilis capituli nostri venerabili fratri nostro domino Christiano et conventui monasterii in Cella angelorum potestatem dedissemus decimam in Lebrorn et in mure a domino Henrico de Radek pro centum talentis denariorum viennensium redimendi prout in aliis nostris et capituli nostri literis exinde confectis plenius continetur ipsi eandem decimam redimentes et redemtam tenentes a Purchtorfario et heredibus Chunradi de Azelimstorf et deinde ab Henrico de Kirchling super eadem decima tracti ad seculare judicium de nostra licentia et mandato actiones predictorum per compositionem excluserunt per triginta talenta wienensia exceptis cotidianis expensis que quidem triginta talenta ipsis abbati et conventui in Cella angelorum super predicta decima dedimus et deputavimus decimam ipsam pro eisdem XXX talentis nomine pignoris assignantes eisdem nolentes per hoc priori suo privilegio aliqualiter derogare Harum testimonio literarum nostro sigillo munitarum Datum Wienne anno domini MCCC quarto VI kalendas februarii