Charter Document - 04130014
Charter Number: | 04130014 |
---|---|
Cartulary Title: | Engelhartszell, Zisterzienser 1227 - 1300 |
Charter Language: | Latin |
Charter Origin: | Religious |
Charter Type(s): | Permission |
Date: | 1299 |
Date type: | Internal, A.D. |
Resource Link(s): |
Monasterium.net |
Charter:
Nos Wernhardus dei gracia ecclesie Pataviensis episcopus tenore confitemur presentium quos nos defectum lignorum quem patitur novella plantatio nostra Cella angelorum relevare cupientes de pleno venerabilis capituli nostri consensu eidem Celle angelorum donamus in perpetuum omnes arbores dejiciendas per impetum ventorum que vulgariter Wintwurffe vocantur de omnibus nemoribus et silvis ad castrum et hofmarchiam nostram in Viechtenstein spectantibus ut fratres in prenominata Cella angelorum servientes domino nos et dilectos fratres nostros ecclesie nostre venerabiles prepositum et decanum et canonicos suis orationibus jugiter relevent apud deum In cujus donationis perpetuam memoriam presentes dedimus literas nostro et venerabilis capituli nostri sigillis communitas Datum Patavie anno millesimo ducentesimo nonagesimo nono xv Idus Februarii [quinto Idus febr]