Charter Document - 04130007
| Charter Number: | 04130007 |
|---|---|
| Cartulary Title: | Engelhartszell, Zisterzienser 1227 - 1300 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1295 |
| Date type: | Internal, Papal |
| Resource Link(s): |
Monasterium.net |
Charter:
Bonifacius episcopus servus servorum dei dilectis filiis abbati et conventui monasterii de Cella Angelorum cisterciensis ordinis Pataviensis dioecesis salutem et apostolicam benedictionem Cum a nobis petitur quod justum est et honestum iam vigor sequitatis quam ordo exigit rationis ut per solicitudinem officii nostri ad debitum perducatur effectum Exhibita siquidem vestra petitio continebat quod venerabilis frater noster Wernhardus Pataviensis episcopus cupiens terrena in celestia et transitoria in eterna felici commercio commutare jus patronatus quod in ecclesia que quondam Engelhartszell ejusque capellis sue dioecesis habebat nec non et quasdam terras vel possessiones et nemora ad eum ratione persone sue spectantia pro sue et parentum suorum animarum salute vobis et monasterio vestro perpetuo liberalitate pia concessit prout in patentibus literis inde confectis episcopi ipsius sigillo munitis plenius dicitur contineri Nos igitur vestris supplicationibus inclinati quod super hoc ab eodem episcopo provide factum est ratum et gratum habentes id authoritate apostolica confirmamus et presentis scripti patrocinio communimus Nulli ergo omnium hominum liceat hanc paginam nostre confirmationis infringere vel ausu temerario contraire Si quis autem hoc attentare praesumpserit indignationem omnipotentis dei et beatorum Petri et Pauli apostolorum ejus se noverit incursurum Datum Rome apud sanctum Petrum Idus Januarii pontificatus nostri anno primo