Charter Document - 04130004
| Charter Number: | 04130004 |
|---|---|
| Cartulary Title: | Engelhartszell, Zisterzienser 1227 - 1300 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1294 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Wernhardus dei gracia ecclesioe Pataviensis episcopus tenore confitemur presentium quod pro reverentia gloriose virginis Marie et nostre salutis augmento domum nostram Patavioe dudum emptionis titulo ad nos legitime devolutam item duo jugera vinearum sita in Weinzierlesperg in der Laimgruben que comparavimus a venerabili in Christo fratre domino Witigone de Lobenstein canonico Pataviensi item duas vineas in Gerhartstorff et unam vineam circa Niunburgam in Peusenberg quas ex testamento bone memorie domini Henrici de Inne quondam venerabilis canonici Pataviensis et vicedomini nostri legitime sumus adepti item vineam unam in Kolgraben circa Niunburgam item vineam in Muggenthal quam dedit nobis dominus Leutoldus miles de Chreuzbach item demidiam domum in civitate Viennensi prope Scotos item domum nostram in Niunburga quas sumus emptionis titulo assecuti donavimus tradidimus obtulimus nove plantationi nostre in Engelhartszelle sic ut fratres ibidem domino servituri de eisdem perpetuo sustententur Investivimus etiam de premissis domibus vineis venerabilem in Christo fratrem dominum Conradum abbatem de Hilaria nomine predicte ecclesie in Engelhartszella et possessionem et proprietatem sibi assignavimus omnium premissorum maxime cum prefata cella sibi filiationis titulo subjaceret In cujus rei testimonium et perpetuam firmitatem presentes dedimus literas nostro sigillo munitas Datum et actum Chrembsoe anno domini MCC nonagesimo quarto in nativitate beate virginis