Charter Document - 04120050
| Charter Number: | 04120050 |
|---|---|
| Cartulary Title: | Vyšší Brod, Ocist Urkunden |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1293 |
| Date type: | Internal, A.D., Episcopal, Feast |
| Resource Link(s): |
Monasterium.net |
Charter:
Heynricus Mersburgensis Bernardus Mysnensis dei gratia ecclesiarum episcopi vniuersis ad quos presens scriptum pervenerit salutem in domino Cum ex sacri pontificatus officio diuina dispensatione nobis credito teneamur ad pietatis opera et ad honorem debitum deo et sacris edibus inpendendum Christi fideles indulgenciis et remissionibus invitare vt exinde reddantur ad promerendum diuinam gratiam apciores omnibus vere penitentibus et confessis qui monasterium in Altovado Cysterciensis ordinis Pragensis dyocesis in quatuor festiuitatibus gloriose virginis Marie in festo natiuitatis domini resurrectionis atque penthecostes et per singulas octauas eorundem festorum causa deuocionis in spiritu humilitatis accesserint aut qui ad fabricam luminaria ornamenta vel alia necessariaiam dicti monasterii manus in karitate porrexerint adiutrices de omnipotentis dei misericordia quadraginta dies de iniunctis sibi penitentiis dummodo consensus dyocesani ipsius loci ad id accesserit misericorditer relaxamus presentibus perpetue valituris Datum Prage anno domini MCC nonagesimo tercio in die beati Viti martyris Pontificatus Mersburgensis episcopi anno xj Mysnensis vero episcopi anno primo