Charter Document - 04120046
| Charter Number: | 04120046 |
|---|---|
| Cartulary Title: | Vyšší Brod, Ocist Urkunden |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1292 |
| Date type: | Internal, A.D. |
| Resource Link(s): |
Monasterium.net |
Charter:
Fridericus et Hainricus dei gratia Chiemensis et Lauentinensis ecclesiarum episcopi vniuersis Christi fidelibus presentes litteras inspecturis salutem in omnium saluatore Cupientes Christi fldeles quibusdam muneribus illectiuis indulgentiis scilicet et remissionibus ad pietatis et deuocionis opera inuitare vt exinde reddantur diuine gratie apciores omnibus vere penitentibus et confessis qui ad monasterium sancte Marie virorum religiosorum ordinis Cysterciensis in Altovado Pragensis dyocesis in quatuor festiuitatibus gloriose virginis Marie et in anniuersario dedicacionis ipsius deuocionis causa peruenerint ac ad structuram eiusdem quod propter operis celebritatem qua inchoatum est non valet sine aminiculo Christi fidelium comode consumari manum porrexerint adiutricem vterque nostrum quadraginta dies iniuncte sibi penitentie misericorditer in domino relaxamus dummodo illud de dyocesani processerit voluntate Datum Salzburge anno domini millesimo CC nonagesimo secundo III Idus Junii