Charter Document - 04120044
| Charter Number: | 04120044 |
|---|---|
| Cartulary Title: | Vyšší Brod, Ocist Urkunden |
| Charter Language: | Latin |
| Charter Origin: | Religious |
| Charter Type(s): | Transfer |
| Date: | 1292 |
| Date type: | Internal, A.D., Feast |
| Resource Link(s): |
Monasterium.net |
Charter:
Ego Hedwigis dicta de Shaunberch quondam relicta pie memorie domini Wokonis de Rosenberch iam defuncti presentibus et futuris per presentes litteras cupio pro testimonio innotesci quod ecclesiam meam in Strobinitz cuius ius patronatus pro medietate cum aliis bonis attinenciis que a predilecto supradicto meo marito domino Wokone marsalco regni Bohemie accepi pro sponsalibus cum quibus ipsius fui matrimonio copulata fratribus fundacionis mee claustri quod Altusvadus dicitur Cysterciensis ordinis ipsam solam ecclesiam tradidi cum omni iure meo quatenus abbates antedicti monasterii ipsam ecclesiam perpetuo cum suis fratribus possideant ac conferant prout ipsis uidebitur expedire In cuius rei testimonium presens scriptum sigilli mei testimonio tradidi communitam Datum anno domini MCC nonagesimo secundo in die octaua epyphanie domini nostri Jesu Christi