Charter Document - 04120037
| Charter Number: | 04120037 |
|---|---|
| Cartulary Title: | Vyšší Brod, Ocist Urkunden |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1290 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Wencezlaus dei gratia rex Boemie et marchio Morauie ad uniuersorum perpetuam peruenire cupimus noticiam quod libenter assensum regium ad illa porrigimus que tam ad laudem superni regis sueque matris Marie gloriose uirginis fiunt quam etiam ad illorum sustentationem qui momentaneis huius mundi spretis secularibus illecebris renunciantes sub iugo dei uitam monasticam elegerunt Accedente itaque ad nostram presentiam Alberto de Strubnitz cum venerabili Ottone abbate de Altovado quod uulgariter Houurt nuncupatur et a nobis humiliter exposcente vt cum bona sua in Borsow que asserit ad eum hereditarie pertinere cum omnibus pertinentiis et iuribus eorumdem agris siluis campis pratis pascuis piscationibus aquis et aquarum decursibus venationibus montibus et vallibus et ecclesia vna in ipsis bonis locata cum iure patronatus eiusdem et aliis quibuslibet ad ipsa bona spectantibus monasterio in Altouado quod uulgariter Houurt nuncupatur fratrum ordinis Cisterciensis tytulo testamenti et nomine donationis ad honorem beate Marie virginis et pro remedio anime sue legauerit donauerit atque dederit perpetuo ab ipso monasterio et eiusdem monasterii fratribus possidenda eorumdem bonorum usu fructum sibi tantummodo per uite sue tempora reseruando nostrum assensum et consensum de benignitate regali ad eandem legationem et donationem apponere dignaremur Nos qui respectu celestis premii ad huiusmodi petitiones facilius inclinamur ad prefatam legationem et donationem nostrum ex certa nostra scientia consensum porrigimus et assensum ipsum de plenitudine potestatis nostre perpetuo confirmantes inhibentes quoque ut nullus dictos monasterium et fratres in prelibatis bonis impedire uel molestare contra iusticiam audeat uel presumat In cuius rei testimonium et robur perpetuo ualiturum presens instrumentum nostri consensus et confirmationis fieri et nostrorum sigillorum munimine iussimus roborari Datum Prage per manus magistri Petri regni nostri prothonotarii Anno domini millesimo ducentesimo nonagesimo x Kal Aprilis Indictione tercia