Charter Document - 04120033

Tranquillitati domus dei studiose consulitur et prudenter dum id quod in eivs commodum geritur et honorem instrumentali fide per scripturam transmittitur noticie posterorum Ea propter nos Heinricus de Rosenberch et Albertus de Borschowe notum fieri cupimus vniuersis tenore presentium audituris presentibus pariter et futuris quod prehabita deliberatione et maturo adhibito consilio pari voto et vnanimi consensu cum bona et perfecta voluntate vxorum nostrarum et predecessorum nostrorum ivs patronatus ecclesie in Strobniz quod ex iusto patrimonio et hereditaria successione ad nos pertinered inoscebatur cum omnibus dotibus decimis et aliis pertinentiis suis quesitis et inquirendis pleno ivre quemadmodum progenitores nostri per multa temporum curricula possederunt dedimus et contulimus coadunatis et potestatiuis manibus liberali donatione ecclesie sancte Marie virginis in Altovado et fratribus ibidem deo iugiter famulantibus iusto proprietatis titulo quiete et liberaliter in perpetuum possidendum vt ex tali ac tanto elemosinarum beneficio dum dictis fratribus de bonis a deo nobis collatis providemus ipsi divino cultui liberius mancipati pro salute viuorum et mortuorum feruentius et salubrius valeant in conspectu domini ministrare Ne igitur tam sollempnis et liberalis donatio aliqua heredum uel amicorum nostrorum valeat perturbari calumpnia presentes litteras super eo conscriptas dicto dedimus monasterio in Altovado et fratribus memoratis sigillorum nostrorum et voce subscriptorum testium munimine roboratas Sunt autem huius rei testes Dominus Berhtoldus decanus de Strobniz dominus Chunradus plebanus de Ragiz dominus Jacobus plebanus de Rosenberch Andreas de Hossitz Rogerus de Haichenbach Heinricus de Altenburch Conasch de Strizendorf Nedamir de Bschizawiz Vlricus Bschedworius fratres dicti de Weihsel Schenco et filius suus Dwursrad de Metliz Wazlavs filius Benate et alii plures Datum et actum in Altovado anno domini MCCIXXX sexto in festo apostolorum Petri et Pauli