Charter Document - 04120016
| Charter Number: | 04120016 |
|---|---|
| Cartulary Title: | Vyšší Brod, Ocist Urkunden |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1267 |
| Date type: | Internal, Papal |
| Resource Link(s): |
Monasterium.net |
Charter:
Frater Guido miseracione diuina tituli sancti Laurentii in Lucina presbyter cardinalis apostolice sedis legatus religiosis viris abbati et conuentui de Altovado Cisterciensis ordinis Pragensis diocesis salutem in domino Cisterciensis ordinis meretur honestas ut nos qui eiusdem ordinis sumus voto filius et protectione patronus illa uobis libenter concedamus que fructus dulcedinis vobis proferant et saporis Ea propter vestris supplicationibus inclinati relaxationes et indulgentias quas vobis et fratribus uestris ac ecclesie uestre archiepiscopi et episcopi concesserunt prout in eorum litteris continetur ratas et gratas habentes sicut iuste et racionabiliter facte sunt auctoritate presentium approbamus Datum Vienne iiij Idus Maii Pontificatus domini Clementis pape iiij anno tercio