Charter Document - 04120009
Charter Number: | 04120009 |
---|---|
Cartulary Title: | Vyšší Brod, Ocist Urkunden |
Charter Language: | Latin |
Charter Origin: | Religious |
Charter Type(s): | Grant |
Date: | 1261 |
Date type: | Internal, A.D., Feast |
Resource Link(s): |
Monasterium.net |
Charter:
In nomine sancte et indiuidue trintatis amen Ego Agnes humilis ancilla Christi vxor quondam domini Pilgerimi de Vvitigenovve nunc marito uiduata deo autem dicata omnibus Christi fidelibus presens scriptum legentibus in perpetuum Acturi sumus coram omnium redemptore simul et iudice illuc necesse est nos preueniant nobis si uolumus ut subueniant aduocati Aduocati autem illi sunt de quibus dicit dominus in evangelio Facite uobis amicos de mammona iniquitatis Amici huiusmodi amici certi et in die calamitatis et miserie nescii suum nescire cultorem Hii profecto pauperes intelliguntur Pauperes autem supremum tribunal in propulsandis delationibus obtinent principatum Vnde fit ut bene speret de iudice Christo quicunque sub Christo pauperum meruerit interuentum Cernens igitur pauperes non esse ueriores et nuncios ueri Jesu in urbem Jerichontinam cerciores quam ordinis Cysterciensis cultores qui nudi dominum nudum secuntur mundi gaudia cum flore suo spernunt et ad celestia possidenda anhelant Horum suffragiis credens me in resurrectione partem cum ipsis habituram domui que Altumuadum dicitur ordinis Cysterciensis in honore beate semperque uirginis Marie constructe ab illustri barone et marscalco principis Boemie Vvokkone et a sanctissimo Johanne Pragensis ecclesie pontifice sollempniter dedicate fratribusque ibi iugiter deo et beate Marie semper uirgini famulantibus ecclesiam in Richenovve mihi uaccantem iure hereditario in perpetuo tradidi manu potestatiua cum omni iure quo a nouella plantatione fuit fundata et a venerabili Johanne episcopo Pragensis ecclesie dedicata omnimodo potita possidendam Hanc autem sollempnem donationem feci nullo contradicente sed nobilioribus baronibus filiisque meis Vvokkone et Zezimir germanioribus scilicet domino Vvokkone iam dicti cenobii fundatore et domino Hoigerio patruo filiorum meorum iam dictorum et domino Bodivvoi ceterisque consanguineis nostris consencientibus in remissionem peccatorum mariti mei domini Pilgerimi iam honere carnis absoluti necnon omnium parentum nostrorum tam uiuorum quam et defunctorum qui nos processerunt et adhuc supersunt sed etiam post nos futuri erunt ut in presenti pacem et honorem et in futuro cum sanctis angelis gaudio fruantur sempiterno amen Huius rei testes sunt Abbas Otto iam dicti cenobii in euius manus hanc donationem delegauimus Adam prior de Altovado Otto monachus et sacerdos Gallus plebanns de Predal Stizlaus miles et alii quam plures Acta sunt hec anno domini MCCLXI indictione IIII epact XVII concurrente V in Richenovve in festo beatorum apostolorum Petri et Pauli Hec igitur ut rata et inconvvlsa perseuerent presentem paginam sigillo mariti mei iam defuncti et fratris sui domini Hoigerii adhue superstitis fecimus communiri +