Charter Document - 04120004
| Charter Number: | 04120004 |
|---|---|
| Cartulary Title: | Vyšší Brod, Ocist Urkunden |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1259 |
| Date type: | Internal, A.D., Calendar |
| Resource Link(s): |
Monasterium.net |
Charter:
Johannes dei gratia Pragensis episcopus vniuersis presens scriptum inspecturis salutem in domino perpetuam Justis petentium desideriis iustum est prebere assensum et uota que a racionis tramite non discordant complere effectu debito consequente Sane cum in peticione viri nobilis Wokonis de Rosenberc marsalci regni Boemie dilecti compatris nostri acceperimus humili et deuota ut donacionem suam quam ipse super ecclesiis in Rosental et in Predol quarum ad ipsum ius pertinuit patronatus fratribus Cisterciensis ordinis ob amorem eius quem ipsi fratres salcatis illecebris huius mundi pauperem pauperes imitantur pro remedio anime sue suorumque parentum sollempniter fecit pleno iure in perpetuum possidendam ratificare et confirmare nostris litteris curaremus nos qui etiam ex debito dictum ordinem interne caritatis brachiis amplectimur puro corde peticioni huic que uidetur racionabilis et honesta ex sinceris affectibus annuentes donacionem huiusmodi in nomine patris et filii et spiritus sancti duximus confirmandam In cuius rei testimonium et uigorem presentes litteras nostri sigilli munimine fecimus roborari Datum in Thin anno domini MCCLIXX Kalendas Junii pontificatus nostri anno primo