Charter Document - 04110020
| Charter Number: | 04110020 |
|---|---|
| Cartulary Title: | Urkunden St. Michael |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1296 |
| Date type: | Internal, A.D., Calendar |
| Resource Link(s): |
Monasterium.net |
Charter:
Sifridus dei gracia Hildensemensis ecclesie episcopus universis Christi fidelibus presencia cognituris salutem in domino sempiternam Quoniam ut ait apostolus quod superhabundante iniquitate superhabundabit et gracia salvatoris hoc utique pio animadvertentes affectu venerabiles in Christo domini et fratres Rogerius dei gracia archiepiscopus sancte Severine Aymardus Lucerie Perronus Larinensis frater Maurus Ameliensis frater Franciscus Terracinensis Emanuel Cremonensis eadem gracia episcopi qui omnes abbatis et capituli monasterii sancti Michahelis in Hildensem ordinis sancti Benedicti precibus inclinati omnibus eiusdem monasterii benefactoribus seu devotis visitatoribus vere penitentibus et confessis singuli singulas dierum quadragenas indulgent misericorditer et relaxant Nos itaque dicti abbatis et capituli rogatibus annuentes de omnipotentis dei misericordia et beatorum Petri et Pauli apostolorum eius auctoritate confisi prescriptas indulgentias sicut rite et rationabiliter sunt concesse ita easdem rationabiliter in nomine domini confirmamus et unam simili modo misericorditer superaddimus quadragenam Datum anno domini MCCLXXXXVI quarto nonas julii