Charter Document - 04110014
| Charter Number: | 04110014 |
|---|---|
| Cartulary Title: | Urkunden St. Michael |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1246 |
| Date type: | Internal, Calendar, Papal |
| Resource Link(s): |
Monasterium.net |
Charter:
Innocentius episcopus servus servorum dei venerabili fratri archiepiscopo Maguntinensi salutem et apostolicam benedictionem Dignum te inter ceteros ecclesiarum prelatos speciali sedis apostolice gratia reputantes tuis supplicationibus inclinati fraternitati tue concedendi dilecto filio abbati monasterii sancti Michaelis Hildesemensis anuli cirothecarum sandaliorum dalmatice ac tunice usum necnon facultatem benedicendi pallas altarium et tam levitica quam sacerdotalia vestimenta et largiendi benedictionem super populum more pontificum finitis missarum sollempniis et vespertinis officiis in precipuis eiusdem monasterii festivitatibus tribuimus auctoritate presentium potestatem Datum Lugduni nonis decembris pontificatus nostri anno quarto