Charter Document - 04110004
| Charter Number: | 04110004 |
|---|---|
| Cartulary Title: | Urkunden St. Michael |
| Charter Language: | Latin |
| Charter Origin: | Religious |
| Charter Type(s): | Transfer |
| Date: | 1162 |
| Date type: | Internal, A.D. |
| Resource Link(s): |
Monasterium.net |
Charter:
In nomine sancte et individue trinitatis Notum sit omnibus tam presentis quam futuri temporibus Christi fidelibus qualiter ego Heremannus dei gratia sancte Hildenesheymensis ecclesie episcopus contuli monasterio sancti Michaelis quinque mansos in Igginleve amore predicti cenobii et rogatu cuiusdam Friderici eiusdem ecclesie ministerialis qui idem bonum iure beneficiali a nobis possederat suscipiente hoc ipsius monasterii abbate Burkhardo et advocato Liudolfo hac conditione ut specialibus fratrum usibus deserviat nec aliquis abbatum in futuro id in beneficio cuiquem dare audeat aut in aliosquem in prebende fructum usus conferre Et ut hec nostra donatio firma atque inconvulsa tam a nobis quam a nostris successoribus simul et eiusdem loci abbatibus perpetuo maneat banni nostri auctoritate firmamus et in testimonium eiusdem actionis cartam hanc conscribi facientes sigilli nostri inpressione signavimus Huius rei hi testes sunt Eggehardus decanus Werno Bernhardus Ricbertus Sifridus presbiteri Thidericus Oddo Conradus Lambertus Erpo Harderadus Heremannus diaconi Everhardus Berno subdiaconi canonici sancte Marie Arnoldus abbas sancti Godehardi Johannes prepositus de Bakkenrothe Beringerus et Cono nobiles Odelricus Rothericus Sifridus Conradus Ecbertus Ernestus Conradus Eilhardus Heynricus Johannes Gerhardus ministeriales sancte Marie Nantwigus Conradus Sibertus et alii multi fideles Actum anno dominice incarnationis MCLXII indictione X