Charter Document - 04110001
| Charter Number: | 04110001 |
|---|---|
| Cartulary Title: | Urkunden St. Michael |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1054 - 1079 |
| Date type: | Assigned |
| Resource Link(s): |
Monasterium.net |
Charter:
Noverit omnis in Christo fidelis tam presens etas quam futura posteritas qualiter ego Hildeneshemensis ecclesie dei gratia presul Hezilo rogante fideli et dilecto nostro abbate Meginwardo tradidi ecclesie sancti Michahelis per manum advocati mei Gebehardi XL iugera X iuxta eandem ecclesiam inter vineam et lucum XXX in littore fluminis Inderste ulteriore simul et in eodem loco sita suscipiente hoc advocato eiusdem basilice Burchardo et LXV iugera cum duabus areis annuente et percipiente predicto abbate Megenwardo nobis et ecclesie nostre in contra tradente unam videlicet aream et XXX iugera in villa Drota alteram cum XXXV iugeribus in villa Wardusheim astantibus et audientibus hec Ottone duce saxonico suisque militibus Herimanno comite et Dieterico nostrisque fidelibus Berinhardo Ynargo filius eius et Adalmanno aliisque quam plurimis Cui nostre traditioni idemque susceptioni ut firme et convulse tam a nobis quam a nostris successoribus perpetuo maneant banno nostro episcopali pacem firmavimus et eiusdem banni in testimonium hanc cartam inscribi et sigillo nostro insigniri mandavimus Datum et actum Hildensem anno domini MXCI Hezilo