Charter Document - 04100177

In dem nomen der heiligen vntailhaftigen triualtichait amen Ich Hainreich I Mawschendorff[er] daz die mainung dez gegenburtigen briefo vest vnd vnczegenchlich weleib chund allen den die disen gagenburtigen brief ansehent daz ich mit ine sampt meiner hausfrawn Kunigunden mit freyer hant vnd mit gutem willen haben verlihen den hof freys aygend ze Mawschendorf dem haus dez spitals dez heiligen gaistz daz gelegen ist an dem fuzz der prukk ze Regenspurch ewichleichen vnd freylich wesiczen pawt vnd vnpawt in akchern wazzern wisen waiden [vt] oder mit welhem namme sie genant sind doch mit der weschaiden daz der egenant hof meiner vorgenanten hausfrawn Kunigunden dienen schol vntz auf meinen tode vnd nach meinen tode schol ir mein vorgenant hausfraw Kunigund furbas in dhainerlai weis an den vorgenant guten oder aygen nemen dhainerlai recht vnd schol dann derselbe hof ganczlich mit allen nuczen vnd davon choment dienen dem vorgenanten spital Daz auch dhain irrsal furbas von niemant [aufferste] vnd vnczerbrochen weleib nach meiner vnd nach meiner hausfrawn Kunigunden pet haben wir disen brief lazzen versigeln mit der erberigen weschaiden vnd edeln mann insigel hern Dyetreichs techantz ze Persen vnd hern Chunratz dez Paulstorffer Vnd der sach sind zeugen her Dyetreich techant ze Persen her Chunr[at] von Paulstorff Heinreich der Zenger Ott der Zenger Hainr[eich] Mawschendorffer Fridrich hertzog Ludweigs schreiber der abt Greyl Dyetreich der Greyl Vlreich von Newnmarcht her Degent von Pattstain Hainr[ich] von Smitlarn Ruger Rucz Hainr[eich] Vol Chunr[ad] Genar Ott schulmaister vnd ander lawt ein micheltail Daz ist geschehen da man zalt von Christes gepurt zwelfhundert iar vnd sybenvndfunczigisten iar dez nachgchsten montages nach sand Galli tag