Charter Document - 04100175
| Charter Number: | 04100175 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1250 |
| Date type: | Assigned |
| Resource Link(s): |
Monasterium.net |
Charter:
In nomine sancte et individue trinitatis amen Testamentum suum non recte facit qui terrenis tantum heredibus I testatur et non facit Christum sue substancie coheredem Sciant ergo presentes ac posteri quod ego Perwinus in salutem anime mee et pro remedio patris ac matris mee et Christine quondam uxoris mee omniumque parentium seu benefactorum meorum ordinavi de cellario meo sub domo mea ex parte domus Lautwini dicti vel dari post obitum meum singulis annis in perpetuum in anniversario meo libram denariorum sub hac forma sexaginta denarii dentur canonicis veteris Capelle ad vigiliarum et missarum pro defunctis celebracione sacerdoti missam celebranti duo denarii scolari ministranti unus denarius pro candelis tres denarii que sub ipsa missa accendantur ecclesiastico bis compulsanti duo denarii plebano sancti Chassiani LII denarios pro totidem missarum celebracione singulis annis in requiem omnium fidelium defunctorum Item ad ospitale trans pontem situm possessor predicte domus ac cellarii cum reliqua dimidia libra emat victualia prout melius viderit competere egrotancium reformacioni eodem die singulis infirmis per se distribuere non obmittat Et ut hoc ratum et firmum permaneat presensque ascriptum appensione sigilli mei roboravi Huius testamenti tria paria feci conscribi unum ad hospitale unum ad veterem Capellam unum ad sanctum Chassianum