Charter Document - 04100167
| Charter Number: | 04100167 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1291 |
| Date type: | Internal, A.D., Feast |
| Resource Link(s): |
Monasterium.net |
Charter:
Ego Henricus dictus Hetzer de Chesching universis presentem paginam inspecturis cupio fore notum quod predium meum sive pratum situm im Hard hospitali sancte Katerine Rat[ispon]e in pede pontis integraliter proprietatis articulo vendidi tali forma quod a me vel uxore mea filiis et filiabus aliisque parentibus in parte aliqua mihi attinentibus contra hospitale id nulla querimonia vel infestacio moveatur decetero super eo hac convencione posita etiam inscripta quod ex eodem predio seu prato post decessum mei et uxoris mee Perchte videlicet super ecclesiam beate virginis sitam in Chesching sine qualibet contradictione LX denarios monete Ing[o]lstatensium predictum hospitale annualiter representet quos de gratia et consolacione domini Starine dicti de Fliugeling iure pro personarum nostrarum transitu tenuimus feodali ut hec rata permaneant et inconfulsa me Henricum et uxorem meam supradictam Henricum Sengonem cum Chunrado superiori dicto in Weier ipsi hospitali obligo specialiter responsuros sicut iure isdem terminus utitur et racione Testes huius sunt hii Eberhardus dictus de Erlach Chunradus superior im Weier Henricus Sengo Hilprandus de Moiring Alberttus vilicus de Lenting Arnoldus vilicus de Chesching Henricus de Slozzer Ch[unradus] de Ing[o]lstat gener Hetzerii Alberttus Steiumeten sun Otto Sroten sun et alii quam plures Placet ut sigilli Hetzerii robur diligencius huic littere inpendatur Acta sunt anno domini MCC nonagesimo primo circa festum Margarete