Charter Document - 04100153
| Charter Number: | 04100153 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1296 |
| Date type: | Internal, A.D., Calendar |
| Resource Link(s): |
Monasterium.net |
Charter:
Ego Hainricus dictus de Ponlont universis presentem litteram inspecturis fore notum quod dilecta uxor mea Chvengundis una cum consilio et consensu meo molendinum ac quoddam feodum necnon curiam sita in Salmastorf que ad eam titulo proprietatis pertinere dinoscuntur hospitali sancte Katherine in pede pontis Rat[ispone] cum omnibus suis adtinenciis cultis et incultis quesitis et inquirendis pro X libris Rat[isponensium] denariorum tytulo proprietatis libere vendidit sub hac forma quod si filius noster Hainricus in longinquis partibus constitutus ad terram nostram reversus non fuerit ex tunc fratres ipsius hospitalis secundum consilium et arbitrium Wernheri dicti Hechel et quemcumque magister domus ad eundem elegerit supradicte uxori mee magis addant prout hiis duobus arbitriis videlicet expedire Si vero predictus filius noster ad patriam reversurus antedictas possessiones habere voluerit pro eisdem denariis tum magistro hospitalis sine cotradictione qualibet conveniat empcione Insuper prefatus Wernherus dictus Hechel laudabiliter compromisit ut quocumque certamina seu impugnacione predia superius nominata fuerint obvoluta sine quolibet dampno hospitalis tenetur fratribus eiusdem domus penitus facere absoluta In cuius rei testimonium presens scriptum dedi sigilli mei robore communitum Testes sunt Chvonradus Locder Hainricus Gerop Hainricus Hoefler Volricus Poger Hainricus Harnach Hainricus Wellerln Hertwicus Agnus Vlricus Gvtman et alii quam plures fide digni Acta sunt hec anno domini MCC nonagesimo VI XVIII kalendas aprilis