Charter Document - 04100152
| Charter Number: | 04100152 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1296 |
| Date type: | Internal, A.D., Feast |
| Resource Link(s): |
Monasterium.net |
Charter:
Cum ad removendam iniquorum calumpniam gesta modernorum scripture testimonio debeant caucius perennari Ego Ditricus dictus I de Parsperch universis ad quos presens scriptum pervenerit cupio fore notum quod una cum consilio et co[n]sensu dilecti fratris mei domini Heinrici de Parsperch predium meum situm in Chransperch quod ad me nomine karissime uxoris mee Sophie pie memorie spectare dinoscitur cum omnibus suis attinenciis cultis et incultis quesitis et inquirendis hospitali sancte Katherine in pede pontis Rat[isponensis] pro VIII libris Rat[isponensium] deneriorum vendidi proprietatis titulo sub hac forma ut nullus heredum meorum ammodo nichil iuris sibi in predicto predio vendicet aut usurpet Insuper cum fratre meo domino H[einrico] de Parsperch ipsis fratribus hospitalis insolidum conpromisi ut auctores huius vendicionis sive predii qui vulgo gwern dicuntur contra singulos inpetentes secundum ius terre existere debeamus Et quocumque certamine seu inpugnacione predium superius nominatum fuerit obvolutum nos tenebimur sine omni contradictione hospitali facere penitus absolutum In cuius rei testimonium presentem litteram ipsis munimine sigillorum nostrorum dedimus roboratam Testibus qui huic empcioni interfuerunt nichilominus subnotatis Testes sunt Vlricus Wildo W[ern]h[er]us de Olschenbach Wolfhardus de Lenguelt Hiltprandus servitor domini de Parsperch Marchardus dictus Weit et alii quam plures fidedigni Acta sunt hec anno domini MCC Nonagesimo VI feria V post dominica Oculi