Charter Document - 04100150
| Charter Number: | 04100150 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1296 |
| Date type: | Internal, A.D., Feast |
| Resource Link(s): |
Monasterium.net |
Charter:
Cum ad removendam iniquorum calumniam gesta modernorum scripture testimonio debeant caucius perennari Ego Vlricus de Abelsperch universis ad quos presens scriptum pervenerit cupio fore notum quod Wernto servitor meus una cum consensu Vlrici fratris sui de Gventersdorf bona adhibita voluntate et consilio uxorum ac liberorum ipsorum videlicet Libhardi Vlrici Recheri Chvnradi Perchtoldi Wilbirgis predium suum situm in Inpevnt annis singulis persolvens II scapfas siliginis XL metretas avene VI metretas tritici totidem ordei vel denariis cum omnibus suis attinenciis quesitis et inquirendis cultis et incultis hospitali sancte Katherine in pede pontis Rat[isponensis] pro XVIII libris deneriorum Rat[isponensium] vendidit proprietatis titulo sub hac forma ut nullus heredum suorum ammodo nichil iuris in dicto predio sibi vendicet aut usurpet Insuper Recherus dictus de Nezzing data fide cum prefatis fratribus compromisit Ut auctor huius vendicionis sive predii qui vulgo dicitur gwer per annum et unum diem contra singulos inpetentes existere non recuset et quocumque certamine seu inpugnacione predium superius nominatum fuerit obvolutum Recherus de Nezzing cum prenominatis fratribus sine quolibet gravamine hospitalis tenetur facere penitus absolutum In cuius rei testimonium presentem litteram mei dedi sigilli robore communitam testibus subnotatis Testes sunt Fridricus Waltenhoferius Goetfridus Salbechus Chvnradus de Rvet Vlricus Prvnnerius Vlricus Prunner dominus plebanus de Woluerstorf et alii quam plures fidedigni Acta sunt hec anno domini MCC nonagesimo VI in conversione sancti Pavli apostoli