Charter Document - 04100146
| Charter Number: | 04100146 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1295 |
| Date type: | Internal, A.D., Calendar |
| Resource Link(s): |
Monasterium.net |
Charter:
In nomine domini amen universis presentes litteras inspecturis Vlricus de Lapide laicus Ratispon[ensis] dyocesis noticiam et memoriam subscriptorum Ut facta et promissa hominum in suo robore perseverent et a via non devient veritatis expedit ut scripturarum ac testium munimine roborentur Licet igitur felicis memorie quondam Otto pater meus et Vlricus frater suus dicti de Lapide viris religiosis et venerabilibus in Christo [] magistro et fratribus ordinis milicie Templi Iherosolomitani domus in Musprunne Eystet[e]n[sis] dyocesis iamdudum curiam suam villicalem sitam in Teuzingen cum omnibus viribus et attinenciis suis in recompensacionem quorundam dampnorum que eisdem fratribus intulerant iure proprietatis et dominii donaverint Quamvis etiam iidem magister et fratres pretextu donacionis huiusmodi sibi facte pluribus annis in possessione eiusdem curie fuerint pacificata et quieta quia tamen processu temporis occassione ipsius curie inter me ex una et magistrum et fratres predictos ex parte altera quedam materia questionis et dissensionis emersit tenore presencium profiteor et constare cupio universis presentibus et futuris quod super tota huiusmodi questione proborum tandem virorum mediante consilio talis inter nos concordia et composicio amicabilis intercessit quod ego ab ipsis magistro et fratribus certa quadam pecunie quantitate recepta renunciavi et renuncio cessi ac cedo omni actioni et iuri siquod in ipsa curia michi conpetit competiit vel competere potuerit quoque modo promittens fideliter et ad hoc presentibus me astringens quod in prefata curia vel in proventibus qui exinde haberi poterunt eisdem magistro et fratribus nullum amodo inpedimentum prestabo nec prestari quomodo libet procurabo immo contra violencias et iniurias aliorum defensione ac presidio ipsis adesse tenebor inquacum[que] potero bona fide In quorum evidens testimonium et debitam firmitatem presentes eis dedi litteras mei sigilli munimine roboratas Testes huius rei sunt dominus Eberhardus de Pfergen miles Fridricus dictus Schetzel Chunradus de Lentfrideshouen Heinricus prepositus magister Chunradus de Tevzingen medicus magister Chunradus de Teuzingen balistarius et quam plures alii fide digni Actum et datum anno domini MCC nonagesimo quinto pridie nonas octobris