Charter Document - 04100143
| Charter Number: | 04100143 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1295 |
| Date type: | Internal, A.D., Feast |
| Resource Link(s): |
Monasterium.net |
Charter:
Universis presentem litteram inspecturis Nos Sifridus dictus Swepferman et Fridricus de Wesenaker volumus I esse notum quod cum Vlricus de Wesenaker in hora mortis positus pro sue anime remedio ad hospitale sancte Katherine in pede pontis Rat[isponensis] testatus fuisset curiam sitam in Oertershouen septem modios siliginis et unum modium tritici et unum modum ordei et VII modios avene et XXX denerios Ratisponenses annis singulis persolventem necnon feodum ibidem situm XXX denarios solvens annuatim tali interposita condicioni ut suis creditoribus omnes redditus curie sive multi fuerint sive pauci assignari deberent X annis mortem suam continue secuturis quatenus secundum gratiam de redditibus curie predicte singulis satisfieret creditoribus tempore prefinito et eodem elapso decennio eadem curia sita in Oertershouen et feodum ibidem cum omnibus suis attinentiis cultis et incultis quesitis et inquirendis deberent hospitali perpetuo deservire nos duobus annis post mortem supradicti Vlrici de Wesenaker transactis cum fratribus hospitalis predicti in hoc concordavimus quod receptis a fratribus ipsius hospitalis XII libras Ratisponensium deneriorum in prompta pecunia omnium debitorum Vlrici de Wesenaker pie memorie quocumque modo contractorum Nos principales et legitimos constituimus debitores ut ipsum hospitale statim liberam et plenariam possessionem introeat et omnes proventus percipiat curie sepefate et ad hoc nos obligamus quod memorati hospitalis de curia sepefata contra omnes racione debitorum ipsius Vlrici de Wesenaker eandem curiam inpetentes per decem annos et unum diem continue succedentes debeamus esse auctores quod gwer vulgo dicitur et omnibus creditoribus suis sine omni contradictione respondere ita ut quamcumque vexacionem vel dampnum deinceps pro debitis Vlrici de Wesenaker hospitale sustinuerit nos teneamur integraliter restaurare In cuius rei testimonium ego Sifridus dictus Swepferman presentem paginam munimine sigilli mei dedi roboratam Testes sunt Heinricus dictus Hechel Heinricus Zantner Vernherus de Olschenbach Vl[ricus] filius suus frater Ch[unradus] magister hospitalis frater Weimarus frater Oertwinus et alii quam plures fide digni Acta sunt hec anno domini MCC nonagesimo quinto in die beati Augustini