Charter Document - 04100142
| Charter Number: | 04100142 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1295 |
| Date type: | Internal, A.D. |
| Resource Link(s): |
Monasterium.net |
Charter:
Wolfhardus dei gratia ecclesie Augusten[sis] episcopus universis Christi fidelibus salutem in domino I sempiternam Cupientes quoslibet Christi fideles quibusdam allectivis muneribus utpote indulgenciarum donacionibus peccaminumque remissionibus ad devocionis studia invitare Nos de omnipotentis dei misericordia confidentes omnibus vere penitentibus et pure confessis qui ad hospitale sancte Katerine in pede pontis in Ratispona in festis nativitatis resurrectionis ascensionis domini pentecostes festivitatibus quatuor Marie virginis gloriose apostolorum sancte Katerine et in anniversariis dedicationis ipsius hospitalis ac per octavas eorundem causa devocionis accesserint vel manus porrexerint adiutrices aut quecumque subsidia impenderint karitatis quadraginta dies criminalium et annum venialium iniuncte penitencie misericorditer in domino relaxamus dummodo de dyocesani loci processerit voluntate Datum Aug[uste] anno domini millesimo CCLXXXX quinto III id jvlii