Charter Document - 04100141
| Charter Number: | 04100141 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1295 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Heinricus dei gratia Rat[isponensis] episcopus universis presentes litteras inspecturis cupimus esse notum quod cum dilecti consanguinei nostri Vlricus et Heinricus fratres dapiferi de Ekkenmvel tenerent a nobis et a nostra ecclesie curiam dictam Werdhof sub castro nostro Werd sitam titulo feodali quam quidem curiam sorores in Christo dilecte Margareta priorissa et conventus monasterii sancte crucis Ratispone sub pacto reempcionis pro sexaginta libris denariorum Ratispon[ensium] ab eisdem dapiferis antea possidebant iidem dapiferi facta ad manus nostras libera resignatione de curia iam predicta Eandem magistro et fratribus hospitalis sancte Katherine in pede pontis Ratispone vendiderunt pro centum et quinquaginta libris denariorum Ratispon[ensium] sub hac forma quod dicti dapiferi vel heredes eorum ipsam curiam reemendi pro eisdem centum et quinquaginta libris denariorum Rat[isponensium] usualis monete habebunt quocumque tempore anni placuerit liberam facultatem et ut forcius eadem empcio et vendicio in firmitatis robore perseveret conservatores hospitalis predicti Ottone Wollarum et Chvnradum dictum Zant juniorem cives Rat[isponenses] de eadem curia infeodavimus qui tamen de ipsa racione talis infeodacionis potestatem non habebunt aliquam ordinandi nisi quod prenotato hospitali sciverint utiliter pro futurum Si autem ex morte dictorum dapifer orum vel heredum ipsorum quam deus differat ante reemptionem nobis vacabit curia sepedicta nos Rat[isponensis] episcopus aut noster successor solvemus hospitali predicto pecuniam supradictam qua solutam curia sepedicta aput nostram Rat[isponensem] ecclesiam in possessione libera perpetuo remanebit In cuius rei testimonium presentem litteram confecimus sigillorum nostri videlicet et illustris domini Ottonis comitis palatini Reni ducis Baw[ar]ie ac predictorum dapiferorum robore communitam Testes horum sunt Chvnr[adus] de Lvopurch prepositus ecclesie nostre Habordus de Sveniching Ekpertus Drauhpech Paldwinus de Parbing Karolus de Ow Chvnradus de Wisent Goetfridus Scheffel et quam plures alii fidedigni Datum Rat[ispone] anno domini MCC nonagesimo quinto in die beati Mathie apostoli